Павлодар қ. ПБ Оңтүстік полиция бөлімінің бастығы Тимур Қаржаубаев учаскелік инспекторлармен бірлесіп «Павлодар қаласының монтаждау колледжінде» жасөспірімдер арасында құқықтық хабардарлықты арттыруға бағытталған дәріс өткізді. Талқылау тақырыбы әкімшілік және қылмыстық жауапкершілік мәселелері, сондай-ақ түнгі уақыттағы мінез-құлыққа және скутерлер мен өзге де екі доңғалақты көлік құралдарын қауіпсіз жүргізуге қатысты ережелер болды. Кездесу барысында полицейлер оқушылардың назарын темекі шегудің денсаулыққа, әсіресе жас кезінде айтарлықтай зиян келтіретін жағымсыз әсерлеріне аударды. Түнгі уақытта көшеде болу ережелеріне ерекше назар аударылып, коменданттық сағатты сақтаудың маңыздылығын еске салды. Полиция қызметкерлері құқық тәртібіне қатысты мәселелерден басқа, жас ұрпаққа сәттілік тілеп, олардың денсаулығы мен қауіпсіздігіне қамқорлық жасауға шақырды. Дәріс соңында дені сау және саналы жас ұрпақ Қазақстан халқының өркендеуі мен денсаулығының кепілі болып табылатыны атап өтілді.