23 желтоқсан күні Павлодар монтаж колледжінде маңызды тақырыпқа арналған диалог алаңы өтті — ойынқұмарлық (лудомания) мәселесі.
Кездесуде РМҚК «Республикалық психикалық денсаулық ғылыми-практикалық орталығының» филиалының өкілдері келесі мәселелерді қозғады:
— ойынқұмарлықтың пайда болу себептері,
— мәселені уақытында анықтауға мүмкіндік беретін белгілері,
— психикалық денсаулыққа және адамның өміріне тигізетін кері әсерлері.
Шақырылған психолог пен арнайы қонақ ойынқұмарлықтың алдын алу жолдары туралы пайдалы ақпаратпен бөлісіп, осы қиындыққа тап болған адамдарға қалай және қайдан көмек алуға болатынын түсіндірді.
Кездесудің негізгі ойы: ойынқұмарлық — бұл шешуге болатын мәселе. Ең бастысы — мәселені жасырмай, уақытылы көмекке жүгіну.
Мұндай кездесулер жастардың психикалық денсаулыққа саналы көзқарасын қалыптастыруға және зиянды тәуелділіктің алдын алу әдістері туралы білімдерін арттыруға ықпал етеді.