Ағымдағы жылдың 1 қыркүйегінен 31 желтоқсанына дейін Павлодар монтаждау колледжінің «дәнекерлеу ісі» мамандығының 3-4 курс студенттері, 25 адам, «Қазақстан алюминийі»АҚ-да өндірістік практикадан өтуде. Барлық студенттер 70 мың теңге көлемінде өтемақы төлемдерін алып жатыр. Әрқайсысына кәсіпорыннан тәлімгер бекітілген. Колледжден бақылауды өндірістік оқыту шебері Б. А. Абыкенова жүргізеді. Студенттер қажетті практикалық дағдыларды алады және ең үздік студенттер, оқуды аяқтағаннан кейін, жұмысын жалғастырады. Бүгінгі таңда 5 студент жұмысқа орналастырылды.